Ministri për Evropën dhe Punët e Jashtme të Republikën e Shqipërisë, Gent Cakaj, ka filluar zyrtarisht vizitën në Luginën e Preshevës.
Agjenda e vizitës së Ministrit Cakaj ka filluar me takimet me përfaqësuesit e partive politike shqiptare në Luginë, të cilat kanë pranuar të formojnë listen zgjedhore “Alternativa Demokratike Shqiptare – Lugina e Bashkuar”, takime të cilat u realizuan në një prej restoraneve të Preshevës.
Pas takimeve me përfaqësuesit e secilës parti politike, Cakaj ka takuar bashkarisht të gjithë kryetarët e partive politike shqiptare të Luginës, pas të cilit i janë adresuar mediave.
Përveç fjalimit në lidhje me listën e përbashkët shqiptare për zgjedhjet parlamentare të Serbisë, që priten të mbahen më 21 qershor, Cakaj ka përsëritur lajmin se Republika e Shqipërisë ka proceduar kërkesën për hapjen e një konzulate në Luginën e Preshevës.
“Republika e Shqipërisë është e interesuar të hapë një konsulatë të përgjithshme në Luginën e Preshevës, dhe për këtë ka parashtruar kërkesën në institucionet kompetente të Serbisë” ka thënë Cakaj në konferencën për media pas takimeve me përfaqësuesit partiak të Luginës së Preshevës.